GIG Motors I-Day Football Tournament 2023 ah semi-final khel turte hriat a ni tawh a. Tling thei pathum an awmna Group B atangin Chhinga Veng FC leh Mizoram Police ten last four an khel dawn.
MSSC Ground, Muallungthu ah Police hian MPL kaithar club Project Veng FC an hmachhawn a. An chetsual vaih chuan tla thei an ni.
Nimahsela Police in tualchhung football-ah inelna sanga tawnhriat an ngah tawh an chhawr. Lalbiakhlua penalty hmanga hma an hruai hnuah second half-ah forward pawimawh Malsawmfela leh Lalnunsanga ten goal an khung belh.
Khelh hnih atang point ruk hmu in Police tan result tha a ni.
Inkhel hnuhnungah Chhinga Veng FC in tling turin point khat hmuh chiah an mamawh tawh, chutihrualin MPL champion Chawnpui an hmachhawn a, an chak chuan la tling thei a nih avangin an inthlahdah bik lo.
Lalnunzira leh Johny Lalremruata hmanga tum hnih hma hruaiin Chawnpui in David Lalchhuanawma leh Lalhmangaihsanga te hmangin an sut.
Group match thum atangin Chhinga Veng in point sarih hmu in an sang ber a, Police pahnihna an ni. Inrinni-ah nikum final rematch-ah Aizawl FC nen an inkhel leh ang.
August 9, Nilaini inkhel result
11:00AM Project Veng FC 0-3 Mizoram Police FC
(Lalbiakhlua 23′ (P) Malsawmfela 65′ Lalnunsanga 77′)
1:00PM Chhinga Veng FC 2-2 Chawnpui FC
(Lalnunzira 40′, Johny Lalremruata 80′) (David Lalchhuanawma 78′, (P), Lalhmangaihsanga 90+1′)
August 12, Inrinni semi-final khel turte(RG Stadium)
11:00 AM Aizawl FC vs Mizoram Police FC
02:00 PM Chhinga Veng FC vs Chanmari FC