UFC middleweight champion Israel Adesanya hma a ding leh tur a chiang a. Australia a UFC 293 an buatsaih turah middleweight title inchuhna a thleng dawn.
Adesanya hian September a Sydney a inelna buatsaih turah hian Sean Strickland a hmachhawn tur thu UFC president Dana White chuan a sawi.
24-2 record nei Izzy hi UFC men’s pound-for-pound rankings a No.5 ni lai a ni a. April khan Alex Pereira hnehin a vawi hnih nan middleweight champion a ni.
Nikum November a Pereira laka a title a hloh hma in kum 34 mi Izzy hian a zawna tum nga a middleweight title hi a humhim.
A khingpui tur 27-5 record nei Strickland hi kutthlak na tak niin a zawna vawi hnih chak lai a ni a. Kum 2020 a middleweight-ah a insawn hnuah vawi 9 inlanin vawi sarih a chak tawh.
Hemite pahnih intum tur hi fans te beisei loh a thleng niin a lang a. UFC chuan champion hlui Robert Whittaker hnehtu Dricus Du Plessis nen intum turin an duh.
South African fighter hian ‘African champion’ dik tak ka ni dawn a tih chu Adesanya hian haw zui hle in an inkar boruak pawh a sang hman viau.
Nimahsela Du Plessis hian hliam neilai a nih avangin September-ah a inlan hman dawn lova, Adesanya hian inlan ngei a duh avangin Strickland an thlang.