Africa khawmualpui hmar lama Algeria ramah ram nasa taka kang avangin mi pasarih vel an thi tawh tih Thawhlehni khan an ram civil defence authority chuan a sawi.
Hliam na tak tuar mi pahnih an awm niin a tar lang bawk.
Sorkar radio chuan chenna in pawh tam tak a chhia tih a puang a. al-Bilad chanchinbu chuan Tizi Ouzou province-a sikul hrang hrangah kangmei hlauva tlanchhiate chu an awm khawm tih a tar lang bawk.
Tizi Ouzou province hi an ram khawpui, Algiers atanga khawchhak lam km 150 vela hla a ni.
al-Bilad chuan sorkar hnuaia kang thelhtute chu civil mi eng emaw zatin an pui niin a tar lang a. Ram hi Thawhtanni atang khan a kang tan niin an sawi bawk.
Province hrang hrang 14-a hmun 19 velah kangmei hi a chhuak niin chanchinbu hian an tar lang bawk.