Spanish champion Barcelona chuan Saudi Pro League club Al-Ahli hnenah midfielder Franck Kessei chu an hralh tih an sawi.
Al-Ahli hian kum 26 mi manah hian Euro maktaduai 12.5 an seng dawn a, Kessie hian nikum nipui khan AC Milan atangin Barcelona hi free transfer in a zawm.
Ivory Coast midfielder hian beiseina sang tak neiin Barcelona hi zawm mahse coach Xavi Hernandez hnuaiah starting XI-ah hmun nghet a chang thei lo. An tan inelna hrang hrangah vawi 43 inkhelin goal thum a khung a, assist vawi thum nei bawk mahse match 16-ah chauh bul tantu zingah a tel.
Kessie hi Al-Ahli in Europe a player langsar an lakluh pangana a ni a, Riyad Mahrez, Roberto Firmino, goalkeeper Édouard Mendy leh Allan Saint-Maximin te an lalut tawh.
Al Ahli hian tun season atangin Red Bull Salzburg coach hlui Matthias Jaissle chu kum thum chhung atan coach ni turin an lalut bawk.