Mixed martial arts inelna lian Bellator MMA chuan an pay-per-view show vawi 300-na chu pui taka buatsaih an tum a. Fighter inlan turte pawh an hraw hle.
San Diego a October thla a neih tur Bellator 300-ah hian title fight pali a awm dawn a, champion lai Cris Cyborg leh Cat Zingano ten women’s featherweight title an inchuh dawn.
Kum 38 mi Brazil a piang fighter Cyborg hi (26-2, 1 NC record nei niin khawvela hmeichhe MMA a fighter ropui ber zinga chhiar tel a ni.
Khawvel mixed martial arts a promotion lian pali – UFC, Strikeforce, Invicta leh Bellator a champion vek thei awmchhun a la ni.
Kum 2020 khan Bellator-ah inlan tanin vawi nga a inlan tawhah a la chak vek.
Kum 41 mi Cat Zingano hi 14-4 record nei niin Bellator-ah vawi li inlanah a la chak vek a. Bellator women’s Featherweight rankings-ah no.1 a ni mek.
Bellator 300 a intum tur dang zingah Bellator heavyweight title inchuhin champion Ryan Bader leh Linton Vassell te an intum dawn bawk.
Bader hian a world title hi tum thum a zawnin a humhim tawh a. A khingpui tur Vassell hi a zawna vawi nga chak lai a ni thung.
Usman Nurmagomedov chuan Bellator Lightweight World Grand Prix semifinal bout-ah a lightweight title chu Brent Primus nen an inchuh dawn bawk.