Manhattan-a federal judge chuan British pop star Dua Lipa (27) chu 2021 kuma a hla hit Levitating’ chungchangah 1979 kuma disco hla a lachhawn ngei tih sawiin thubuai a hmachhawn ngei tur a ni, a ti.
US District Judge Katherine Polk Failla hian Disco hla, ‘Wiggle and Giggle All Night’ hla phuahtu L Russell Brown leh Sandy Linzer te hian ‘Levitating’ hla nen inanna a nei ngei tih an finfiah theih ngei tur a ni ang, a ti bawk.
Lipa lawyer leh a record label Warner Records lam erawh chanchin buatsaih lai hian thu leh hla an la nei lo.
He thubuai hi March 2022 khan ziahluh tan niin, ‘Levitating’ hle ‘Wiggle’ hla te hian a phuah danah inanna leh inzulna an nei chiang hle, tih a ni a, khuhhawnna melody phei chu thliar hran harsa tak nia sawi a awm.