Aizawl : Hachhek bialtu MLA Lalrindika Ralte chuan a bial fangin Tuidam leh Kawrtethawveng inkara dan lova kuhva tawlhtute danna tur check gate siamna atan cheng nuai khat a hlan.
Hlanna inkhawm tawi neihah Lalrindika Ralte chuan, khuarel chhiatna pawh ni lo, mi duham, dan lo va sumdawngte sorkarin a thunun theih loh avanga hetiang zat sum sen angai leh hlawh pawh awm lova tlaivara duty te ala ngai zel mai chu a thinrim thlak tih sawiin, “Kan ram kuthnathawktute tibeidawng zawnga kan rinchhan tur ber sorkar a awm hi a pawi tak zet a ni,” a ti.
Lalrindika Ralte chuan, Kawrthah South V.O Self Help Group tan puantah khawl leina tur cheng nuai khat a hlan bawkin Self Help Group hruaitute hnenah theihtawpa hnathawktute puih an nuam tih sawiin, Pathian zara Congress party in sorkarna an chang a nih chuan |ang Puihna hmangin nasa zawka hna an thawh theihna turin ruahmanna an siam ho tur thu a sawi.
Hei bakah hian Hachhek bialtu MLA chuan, Kanhmun MUP te hnenah MUP Run sakna tur cheng nuai khat a hlan bawk.
Hachhek bial fang mektu Lalrindika Ralte chuan, Tuidam MZI te tan tingtang a pek bakah Zawlnuam damdawi in tan generator a pe bawk a ni.