Delhi police-te chuan thil duh lohna lantirna huna Muslim huatna lam hawi aupuitua puh mi paruk an man.
Pathianni khan dan pakhat duh lohna lantira kawng zawh a ni a, hetah hian Muslim huatna lam hawi au chhuahpui a ni.
Video thehdarhah chuan mipa rual eng emaw zat auvin India-a sakhaw zuitu tlem zawkte tihnat tumna lam hawi an sawi chhuak tih a lang.
Social media-a video thehdarh nasat tak, mi tam takin sakhuana lam hawia thil thleng a nih avanga tha an tih loh thu an sawi nasat tak langte hi police chuan an chhui zui ta a ni.
An mi mante chuan an man chhan ang tih an nei lo niin an sawi thung.
Parliament bul lawk, Jantar Mantar-a pun khawmnaa thil thleng hi mi tam takin an dem a, sakhaw dang sawisel leh a zuitute tihnat tumna lam thleng chu an duh lo hle.
Muslim huatna au-puinaa a bultumtu pakhat hi India-a rorel lai, BJP party-a Delhi unit thupuangtu thin nia sawi a ni nghe nghe.