Pakistan ram chhung, Afghanistan nena an inrina bula thingtlang khuaa bazarah nimin khan bomb chak tak puakin mi 5 an thi a, mi 10-in hliam an tuar bawk.
Balochistan province-a Chaman khuaah, Haji Nida bazarah bomb hi a puak tih police chuan an sawi.
He thil thleng hi eng pawl mahin an tihah an la chhal lo.
Tun hnaiah Balochistan-ah hian inlak hran tum leh hel pawlte an che nasa thin hle.
July 21 pawh khan Turbat-a bazar lun laiah bomb an tipuak a, mi pakhat thiin mi parukin hliam an tuar bawk.
Balochistan province hi Pakistan-in Afghanistan a rina lai niin a chhengchhe em em a, tlang khawkrawk a tam a, helho pawhin tawm nan an hmang nasa a, sorkar pawhin a ngaihsak vak lo.