Aizawl : Parliament Session neih mekah nimin chawhnu khan Rajya Sabha MP K.Vanlalvena chuan Manipur buaina chungchang sawichhuakin, Manipur tribal-te hi Myanmar mi an ni lo tih a au chhuahpui.
MP (RS) K.Vanlalvena chuan thu a sawinaah, Union Home Minister-in Manipur tribal-te chu Myanmar mi an ni tia sawiah puhin Myanmar mi an ni lo va, British lo luh hmain kum 200 he ramah hian an lo awm tawh a, India Independence hmain rei tak an awm tawh a, Myanmar mi emaw, foreigner emaw an ni lo tih a au chhuahpui a ni.
Vanlalvena chuan sakhaw biak in 300 hal hi communist ramah pawh thleng ngai lo, World record thar a nih thu a sawi a. Mizoram MP, tribal MP a nih thu au chhuahpuiin, “North East tlangram hi kan ta a ni a, humhalh turin hlauh kan nei lo,” a ti.