Aizawl : Sustainable Development Goals Local/Grassroot Index Ranking Award Programme, Dawrpui Multipurpose Centre, Aizawl-a neih chu nimin khan Chief Secretary Renuka Sharma-i’n hmanpuiin, SDG Report a tlangzarh.
Chief Secretary chuan Sustainable Development Goal 17 te tihlawhtling turin India pawhin phur taka hma a lak chhoh thu sawiin, hemi hnuaia hmalaknate a hlawhtlin theih nan Mizoram sokar pawhin theihtawp a chhuah thu a sawi a. Hmasawnna tluantling leh tlo nei tur chuan sorkar chauh nilo, mimal leh cilvil society zawng zawngte tanrual a tul thu a sawi.
Tunhnaia NITI Aay- og-in Sustainable Development Goals kalpui tha a tihchhuah SDG India Index-ah Mizor- am chu state hmasawnber atana thlan a ni leh India rama 12-na dinh- mun a chuangkai thei lawmawm a tih thu Ch- ief Secretary chuan a sawi a. Khawtlang hu- apa thawhhona tha tak awmna Mizoramah SD- G thil tum te hlawhtling taka kalpui a nih ngei a beisei thu a sawi.
Sustainable Development Goal-te a bul- thum atanga kalpui a nih theih nan khua leh veng hrang hrang thlan chhuahte dinhmun zir- chianga hmalak a nih thu Chief Secretary ch- uan a sawi a. Hemi hn- uaia intihsiakna tehfu- ng hrang hrang 9 hma- nga neih chuan rah tha a chhuah ngei a beisei thu a sawi.
Intihsiakna a tel za- wng zawngte fakin hmasawnna tluantling leh tlo siam tura theihtawp chhuah puiah a sawm a. Khawtlang anga thawhhona tha leh mipuite inkara tha- whhona tha tak awmna Mizoramah Sustainable Development Go- als-te chak taka tihpuitlin a nih theih ngei a beisei thu Chief Secretary chuan a sawi.
Mizorama Sustainable Development Go- als kalpui a nih theih nana NITI Aayog, Ministry of Statistics & Programme Implementation leh DONER Ministry-te hmalakna bakah a kaihhnawih sorkar department leh anmahni tawiawmtute fakawm a tih thu pawh Chief Secretary chuan a sawi a. Mizoram SDG Dashboard siam thuai tum a nih thu leh thupui pawimawh tak ‘Mi tumah hmaih bik an awm tur a ni lo’ tih chu ngaipawimawha Mizoram pum huapzo hmalakna kalpui tura tanlak a tul thu a sawi.
College hrang hra- ng 22 ten khaw thlan bik ‘adopted village’ neia an mamawhte an zirbing leh tanpui dan tur an chhawpchhuahte chu- an awmzia a neih ngei a beisei thu Chief Secretary chuan a sawi bawk.
Sustainable Development Goals Local/ Grassroot Index Ranking Award Program- me-ah hian Planning & Programme Implementation Department-in Localization of Sustai- nable Development Goals Pilot Project, khawpui leh thingtlanga a kalpui tawh at- anga a titha zual veng pathum leh khaw path- umte hnenah Project Incentive Award sem a ni a. Project Incentive Award dawngtute chu : A. Urban Indicator Framework (UIF):
1) Pakhatna: Chanmari West, Aizawl (Rs. 10, 00,000/-) 2) Pahnihna: Kulikawn, Aizawl (Rs. 8,00,000/-) 3) Pathum- na: Luangmual, Aiza- wl (Rs. 5,00,000/-)
B. Village Indicator Framework (VIF):
1) Pakhatna: Thingsul Tlangnuam, Aizawl District (Rs. 10,00,- 000/-) 2) Pahnihna: Pawlrang, Saitual District (Rs. 8,00,000/-)
3) Pathumna: Rawpuichhip, Mamit District (Rs. 5,00,000/-)
Sorkar laipuiin 20 point programme hnuaia khaw tinte thing tiak 4770 phun tura a beisei chu Mizoramah Pawlrang khua chu he target tlin awmchhun an ni a, January ni 1, 2022 atanga February ni 15, 2023 thleng khan thing tiak kung 5000 an phun tlin avangin Special Award Rs. 2,00,000/- keng tel an dawng bawk.