Parliament-a union budget session neih meka nimina China nena ramria intihthiam lohna awm chin fel a nih chungchang a sawinaah Defence Minister Singh chuan chin fel nan hian India-in eng thil mah theh chhuaha China tana phalsak an nei lo tih a sawi.
“Rorelna inah hian eng thil mah inbiaknaah inremna tura phalrai kan nei lo tih chiang takin ka sawi duh a ni,” a ti.
“Ladakh-ah hian ram pahnihte hian buaina ching fel mah se LAC dung tluanah hian inrem lohna hrang hrang a la awm a. Sipai dah leh patrolling neih danah kan la inrem vek lo. Heng thil erawh Chinese lam nena la sawiho zel tur a ni,” a ti.
Ladakh khawchhak lama buaina ching fel tur hian sipai lalte chu vawi kua ngawt an inbe hman a ni.