AZL: Hrianghmun khuaah MNF leh Congress VC member-ten ZPM an zawm avangin ZPM VC thar a piang.
Ningani khan Lengteng Constituency ZPM Official Candidate F. Rodingliana chuan Hrianghmun khua atangin MNF leh Congress VC member-te chu ZPM-ah a lawm lut a. Hrianghmun khuaah ZPM VC thar a piang a ni.
Hrianghmun khuaah ZPM VC a piang ta chu lawmawm a tih thu sawiin F Rodingliana chuan, “Pathian leh mipui zarah ZPM-in sorkarna kan chang a nih chuan Village Development Committe leh VC-te nen thlei bik nei loin kan thawk tlang dawn a, sorkar sum pawh langtlang takin hman a ni dawn a ni,” a ti.
ZPM chuan kum sarih chhungin kawlphetha intodelh mai ni loin hralh chhuah tham siam chhuak turin ruahmanna fel tak an neih tawh thu leh, ZPM policy-te chu a hlawhtlin theih nan ZPM vote theuh mipui a sawm bawk.