Manchester United chuan Euro maktaduai 15 a Turkish club Fenerbahce in midfielder Fred lei an dilna chu an pawm.
Kum 30 mi Brazil international hi tun season-ah United first team-ah khelhna hmun a chang tam dawn lo tih hriattir a ni tawh a, hei vang hian club danga chhuah mai a tumna a rei tawh.
Fenerbahce elpui Galatasaray leh Premier League club Fulham te chuan hun engemaw chen atangin an ngaihven a, nimahsela inremna a awm thei lo.
Fred-a contract hi nakkum nipui a zo tur a ni a, Shakhtar Donetsk midfielder hlui hian kum 2018 khan United hi zawmin dressing room a ngainat hlawh leh mi tangkai tak a ni a. Nimahsela khelmual chhungah chetthat leh sel a tawh a inchhawk fo.
United tan vawi 213 a inkhel tawh a, goal 14 a khung tawh. Ani bakah United defender Eric Bailly chu Turkish club dang Besiktas in an duh.