Aizawl : Malsawmtluanga ziak -Khawivah chanchin leh a khawi dan- tih lehkhabu chu nimin khan Minister Dr R Lalthang- liana’n a tlangzarh.
Minister R Lalthangliana chuan Khawivah chanchin leh a khawi dan lehkhabu tlangzarh a ni chu lawmawm a tih thu sawiin, Khuai khawi lama tuimi te tan a tangkai ngei a beisei thu a sawi a. Khawivah zu chu khawizu tui leh hrisel nan pawha tangkai tak a nih thu sawiin, “kan ramin khawizu intodelhna kawngah min puih ngei ka beisei” a ti.
Mizoram Bee Keepers Association (MBKA) hruaitute chu Khuai khawi dan leh chhungkaw chawm nana a hmantlak zia social media leh print media-ah te thehdarh thin turin R Lalthangliana chuan a chah a. Khawivah chanchin an tlangzarh tak pawhin Khuai khawi lama tuimi te hnen a thlen ngei theihna tura tan la tur leh Mizo tawng chauh ni lo, English pawha letling turin MBKA te chu a ngen bawk.