Michigan, US-a cheng Erin Honeycutt (38) mi chuan society-in a pawm leh pawm lo ngaipawimawh lo leh mimal hriselna pawh pawimawh bera dah lovin khawvela hmeichhe khabe hmul sei ber record a siam.
Honeycut hian inches 11.8-a sei khabel hmun nen Guinness World Record thar a luhpui a, chhul lam chian lohna chikhat polycystic ovarian syndrome an tih mai- horome rualkhai loh vanga hmul to vak thin a nei.
A sawi danin, kum 13 mi a nih atangin khabe hmul a zuah tan a. A tirah chuan a tochak em vangin nikhatah vawi thum te a ziat vai thin. Mahse, heti anga tihfai leh met faina chi hrang hrang a hmen hnu ah a khawhmuh fiah lo chhovin, insawiselna neuh neuh a nei nghal.
Hemi hnu hian met fai leh ‘cut’ buai tawh lovin a zuah chhova, a chhungte pawhin an sawisel lem loh bawk avangin khabe hmul hi a zuah chho ta a, tunah chuan hmeichhe dam lai zinga khabe hmul sei ber record a nei ta a ni.