Nikumah knockout avanga a tlawm tumin a lu ah hliam a nei a. Kum khat a inlan loh tawh hnuah Vicente Luque chuan hnehna changin cage chhung a lut a, Pathianni tukah a chak.
Las Vegas a UFC Fight Night-ah Luque hian UFC lightweight champion hlui Rafael dos Anjos chu welterweight main event-ah a hneh a. Chhuatah fing taka a khingpui a nawr theih thin leh a wresting thiam a hmang tangkai.
Kum 2022 August khan Luque hi Geoff Neal chuan a knockout a, a hnuah a thluakah thisen a tling tih hmuhchhuah a ni.
“Ka tan chuan hetia ka lo kir leh ringawt pawh hi thil ropui a ni a. Mi tam takin ka chunga thleng an hria. Hun harsa nimahsela engmah ka hlau ngai lova, in hma a ka inlan leh theih tawh loh hi ka hlau ber zawk.” tiin a sawi.