GIG Motors I-Day Football Tournament semi-final chu Inrinni khan khelh a ni a. Aizawl FC leh Chhinga Veng FC ten hnehna chang hram ve ve in champion nih an inchuh dawn.
Inkhel hmasa zawkah Rajiv Gandhi Stadium-ah tlarhma nei hriam tak Aizawl FC in Mizoram Police an hmachhawn a. Police hi group stage a football hmuhnawm khel thin an ni.
Nikum final rematch-ah hian team pahnih an fimkhur, Police in an ngheh lohna, tlarhnung an veng uluk a. Aizawl FC in goal an khung thei bik lo.
Nimahsela minute 88-naah tualchhung football a tawnhriat nei tha Lalmuanawma’n an chakna goal a khung a. Police tan sutna hun a awm tawh lo.
Inkhel hnuhnungah hun pangngaiah goal a lut lo. Extra time-ah tun tournament a hming chher tak Suanngaihmuana’n CVFC a chakpui mai dawn niin a lang a. Minute 106-naah goal a khung. Nimahsela Chanmari tan an chhandamtu lo ni tawh Lalkhawpuimawia bawkin minute 121-naah an si phurh a sut a. 5-4 in penalty-ah CVFC an vannei ta zawk.
August 12, Inrinni inkhel result:
Aizawl FC 1-0 Mizoram Police FC
(Lalmuanawma 88′)
Chhinga Veng FC 1-1 Chanmari FC
(Suanngaihmuana 106′) (Lalkhawpuimawia 120+2′)
Chhinga Veng FC 5-4 in penalty-ah an chak