Kumin FIFA Women’s World Cup thlengtu pahnih zing ami Australia in semi-final a vawikhatna atan an lut a. France chu penalty shootout hmangin an hneh.
Brisbane Stadium-ah Inrinni khan semi-final hi khelh a ni a. Minute 120 chhunga goal an khung loh ve ve hnuah 7-6 in Matildas hi an chak ta zawk.
Australia tan Cortnee Vine chuan chakna goal a khung a, Vicki Becho chuan goal ban a pet per hnuah an ram a chakpui.
Penalty-ah hian Australia keeper Mackenzie Arnold a che tha viau a, vawi li lai save a nei. Heng zinga vawi hnih hi Kenza Dali lakah niin a save vawikhatna pawm loh a nih hnuah pet nawn tir a ni a, a save nawn leh.
Semi-final hnuhnung zawkah England in Stadium Australia-ah Colombia an hmachhawn a, 2-1 in hnehna an chang.
European champion ni lai hi tun tum World Cup-ah final lut tura rinkai zing ami an ni a. Nimahsela an inkhel in beisei a pha lo fo.
Inrinni a inkhel erawh an khelh that ber tum la ni in tlarhnungah an nghet a, goal nawrah an thawkrim bawk.
Halftime dawnah Leicy Santos chuan fing takin Colombia goal hmahruai a khung a, mahse hei hi halftime hma in Lauren Hemp chuan sut hmangin second half-ah striker rinrawl Alessia Russo chuan an chakna goal a khung.
Final hi Nilaini tlai dar 3:30-ah an khel ang.