Swifties ho tan a va’n lawmawm tak! Taylor Swift hla ngaithlak leh sak te chu hmanlai thil angah lo dah ta ila, tunah chuan Taylor Swift zirna hun a thleng ta.
Standford University-in kumin kumtir a Taylor course a pek hnu ah Belgium-ah pawh Taylor Swift literature course a zir theih dawn e.
University of Gen (UGent)-a Master zir tumte tan English Literature bikah duhthlan tur a awm thar dawn. English Literature: Taylor’s Versioin lak theih a ni ang a, British professor Elly McCausland-a’n a zirtir ang. Ani hi Taylor fan ruhkhawl lutuk tak mai a ni a, “Shakespeare leh mingo thi ta te chungchang an ziak kur ngei nguai tawh a, a tawi viauin ka hriat. Tunah chuan English literature hlimawm tak mai zirtir turin ka inpeih at tawh,” a ti.