Higher & Technical Education Minister Dr R Lalthangliana chuan nimin khan Govt. Hnahthial College Freshers’ Social cum Graduation Day chu khuallian niin a hmanpui.
Govt Hnahthial College Auditorium-a hun hmanah Dr R Lalthangliana chuan tun lai khawvelah thiamna tak tak neih a tul tawh tih sawiin, “Kum zabi 21-na a thiamna leh technology thang chak takte chu hman tangkai thiam a tul hle,” a ti.
Dr R Lalthangliana chuan NAAC Accreditation-ah Mizoram chu India rama titha ber, pakhatna dinhmun luahtu niin zaa 83 a hmuh tawh thu leh a dawttu chu Chandigarh niin zaa 60 an hmuh thu a sawi a. Mizoram sorkarin NEP 2020 tihhlawhtlin nan State University nei turin hma a lak mek thu leh Cabinet-ah pawh sawi hovin a tul angte bawhzui turin Higher & Technical Education Department kutah dah a nih thu a sawi.
H&TE Minister hian Govt Hnahthial College Students’ Union buatsaih magazine leh kum 2018-2023 chhunga a separtment enkawl hrang hrang, Higher & Technical Education Department, Health & Family Welfare Department leh Commerce & Industries Department hmalakna thenkhat tarlanna bu a tlangzarh bakah Govt Hnahthial College Hostel mamawh leina tur cheng nuai thum a hlan bawk.
Govt Hnahthial College-ah hian zirlai 138 awm mekin graduate thar mi 31 an awm a ni.