Aizawl : Hnahthial dist level task force on ruihhlo do chu ni- min khan Social Welfare & Tribal Affairs Minister Er. Lalrinawma hovin Hnahthialah an thukhawm.
Social Welfare & Tribal Affairs Minister chuan ruihhlovin ram nasa taka a run mek thu sawiin, ruihhlo dona atan sorkarin Chief Minister kaihhruaina hnuaiah Ruihhlo Do Core Committee dinin, Social Welfare and Tribal Affairs Minister kaihhruainain Working Committee din leh a nih thu a sawi a. Ruihhlo dona atan thuang thum – Supply Reduction, Demand Reduction leh Harm Reduction tea hmalak a nih thu a sawi.
District level bakah thingtlang khaw hrang hranga Village Level Task Force din a tul hle nia sawiin Lalrinawma chuan ruihhlo do kawngah hei hi a pawimawh hle niin a sawi a. “Tuna kan chhungkua kan fihlim avang hian ngaihtha taka awm mai tur kan ni lova, a rem thuai loh chuan tuar thei vek kan ni” tiin midangte tan ni lovin mahni tan theuha do an ni tih inhre turin kalkhawmte a chah.
Thalai hnathawk hlei theilo enkawl ngai, Home-a awm an tam ta lutuk chu runthlak a tih thu Minister chuan a sawi a. Mi- tin ten puanven sawichhinga ram dam nan tangruala, mitin mawhphurhna a nih thu hre reng turin kalkhawmte chu a chah bawk.