Aizawl : All Mizoram CSS Employees Coordination Committee (AMCECC) chuan Council of Ministers thukhawmin Special Scheme a pawmsak avangin sorkar chungah lawmthu an sawi.
An thuchhuahah AMCECC chuan, hun rei tawh tak ata sorkara kan dil leh phut anga CSS Employee-te a tahtawl a dahnghehna tur leh Medical Re-imbursement an bill ve theihna tur leh hamthatna hrang hrang July 31, 2023-a Council of Ministers meeting in Special Scheme min pawmsak chu lawmawm an tih thu an sawi.
AMCECC chuan he scheme a awm theihna tura zirchianga thahnemngai taka buatsaih saktu sorkar official-te leh a hlawhtlin theihna tur a theihtawp chhuahsaktu Chief Minister Zoramthanga leh Council of Ministers-te, a tir atanga tha thlah lo a tha leh zung sengtu AMCECC affiliated member-te hmalaknaah lawmthu an sawi bawk.
Special Scheme hi CSS Employee-te’n an hman thuai theihna turin a buaipuitu official te pawhin theihtawp chhuahsak zel turin an ngen bawk.