Aizawl : Hmeichhe Pathian thu zirchhuak intelkhawm pawl Association of Theologically Trained Women of India (ATTWI), Mizoram branch chuan Dawrpui Kohhran Hall ah nimin khan an lehkhabu ziah an tlangzarh.
Lehkhabu tlangzarh hi English a ziah niin, a lehkhabu hming ‘A Theological Response to Mizo Women Contemporary Issues’ tih a ni. Hmeichhe theologian te thuziak hrang hrang ziah dahkhawmna a ni a, Christian World Imprints te publish a ni.
Tlangzarh Inkhawm hi Prof Lalnghakthuami, ATTWI President-in kaihruaiin, Prof. Dikteii Hnamte, Mizoram University in lehkhabu thlirlawkna hun a hmang a, Upa R. Lallianzuala, President Mizo Writers’ Association in lehkhabu hi a tlangzarh a ni.