West Bank-a Israeli venhim hna thawktuten dan bawhchhia an rinhlelh an dapnaah Palestinian pali an thi.
Israeli police chuan Islamist hel pawl, Hamas man tuma a ruka an hnuaia thawkten Jenin refugee camp an pan chu an lo kap niin an sawi.
Palestinian news agency Wafa chuan Palestinian mipa pali thah an ni a, pakhat na takin a inhliam bawk niin an tar lang ve thung.
Thla eng emaw zat chhung West Bank-a buaina awm tawha tum khata mi an thih tam ber tum zinga mi a ni.
Israel Border Police chuan Thawhtanni hma taka undercover unit officer-te mi man tuma an thawk chhuak chu hnai tak atangin ‘mi firfiak thahnem takin an kap’ niin an sawi.
Officer-te hian an kap leh a, an kap hlum hlawm niin an sawi bawk.
Palestinian news agency Maan erawh chuan Israeli sipaite hian an kap hmasa niin a tar lang ve thung.
Palestinian President Mahmoud Abbas chuan inthahna thleng chu ‘sualna tha lo tak’ tia sawiin hei hian tharum thawhna a thlen zui an hlauh thu a sawi bawk.
Israeli police thupuangtu chuan thi zinga pahnih chu an kawl tih an sawi a, AFP news agency-a thawk chuan pahnih dang chu Jenin damdawi in ruang dahnaah a awm thu a sawi.
Israel chuan a sipaite zingah inhliam an awm lo tih a sawi.
Kar hnih liam ta khan Palestinian intelligence officer pahnih leh Palestinian thah an lo ni tawh.