Afghanistan-a Taliban-ten thuneihna an chan leh hnuah ram dangten an mite an hruai haw zel a, India pawhin a mi eng emaw zat a hruai haw hnuah tunah hian foreign ministry-a thawk leh anmahni vengtu tura awm paramilitary force sipai 200 chuang Kabul khawpuiah an la awm niin NDTV chuan a tar lang.
Indian thlawhna chu Kabul thlawhna tumhmun, thlawhna lut leh chhuak pawh a buai nuaihna hmunah a ding a; mahse, Indian mission compound atanga tumhmun him taka thlen pawh thil hautak tak a ni rih mek a. Taliban hian khawpuiah curfew an puang mek.
Indian tang zinga 100 vel hi Indo-Tibetan Border Police (ITBP) niin Afghanistan-a Indian mission-a thawkte vengtu an ni.
Afghan chung boruak chu Taliban-ten khawpui an laka mi tam takin an ram chhuahsan an tum hnuah sumdawng mihring phur thlawhna thlawh phal loh a ni mek a. President Ashraf Ghani pawhin an ram hi a tlanchhiatsan tawh.
Cabinet secretary chu foreign ministry-a hotu liante nen la tang mekte lak chhuah dan tur dapin an thukhawm a, him taka Indian hruai haw ngei an tum.