Aizawl North II bialtu MLA chuan a bial chhunga middle sikul zirlaite hnenah nimin khan nun kaihruai thei tur Mizo tawng lemziak bu a sem.
YMA Ramhlun South Branch Committee room-a semna inkhawmah Dr Vanlalthlana chuan, Mizo tawnga lem ziak bu hian zirlai naupangte hnenah rah tha a chhuah a beisei thu leh a remchan chuan, a tul ang zela lemziak bu dang buatsaih leh tura hmalak a inhuam thu a sawi.
Lehkhabu sem inkhawmah hian Aizawl North II huam chhunga middle school zirtirtu aiawhten an school-a zirlaite hnena sem tur an dawng a ni.