Premier League champion Manchester City chuan Al-Nassr hnen atangin Spain defender Aymeric Laporte lei dilna an pawm.
Kum 29 mi hian kum 2021-22 season khan Pep Guardiola pawlte tan vawi 43 lai bul tan mahse tun season liamta khan Guardiola hian Manuel Akanji leh Nathan Ake te ring ngun zawk a, hei vang hian a inkhel tam lo.
Tun nipuiah Croatia defender Josko Gvardiol chu Pound maktaduai 77 a an lakluh leh bawk si avangin Laporte dinhmun hi a hmawr sawt a, hei vang hian an chhuahtir dawn.
Al-Nassr hian an dawrna zat hi puanzar a ni lova, nimahsela Laporte hi Pound maktaduai 57 vel a man atana an beisei nia sawi a ni a, hei vang hian Saudi club in an dawrna hi a hniam a rinawm lo.
Al-Nassr hi a zawm hnuah Cristiano Ronaldo, Sadio Mane, Marcelo Brozovic leh Alex Telles te nen an inkhel ho dawn tihna a ni.
City hian kum 2018 khan an club chanchin a player manto ber ni turin Pound maktaduai 57 in Laporte hi Athletic Bilbao atangin an lalut a. An tan vawi 180 inkhelin goal 12 a khung hman.
France in defender an neih that avangin ram tana khelhna hmun a chang lova, Spain tan khelh thlangin vawi 22 a inkhel tawh a ni.