Lionel Messi-a’n Inter Miami a zawm hnuah match ruk khel tawhin goal a la khung vek a. A team tan nghawng tha tak neiin Leagues Cup final a luhpui.
Nilaini zingah Inter Miami hian Subaru Park-ah Philadelphia Union chu semi-final ah an hmachhawn a, 4-1 in an hneh.
Messi hian minute 20-naah penalty area pawn atangin goal mawi a khung a. Hemi hma hian Josef Martinez chuan goal khungin Jordi Alba chuan a club thar tana a goal hmasa ber a khung ve bawk a. David Ruiz chuan second half-ah goal dang a khung.
Messi an lakluh hnuah Miami hian an inkhel zawng zawngah hnehna an la chang vek a, Argentine legend hian goal kua a khung tawh.
Final-ah hian Liga MX club Monterrey 2-0 a hnehtu Nashville FC an hmachhawn dawn a, Pathianni tukah Nashville-ah an inkhel ang.