Aizawl: Tun hnaia hmeichhe naupang kut inthlakna thleng video darh chungchangah police-in FIR an dawng tawh a, kut thlaktu nia puh leh a tuartu nia sawite thu zawhfiah an ni.
Chawlhkar tira social media hrang hrangah hmeichhe naupang kut inthlakna video theh darh a ni a. Video thehdarh chungchangah hian police hotute chuan FIR an dawn tawh thu leh kut thlaktua puh leh a tuartu nia sawite hi nimin khan Special Juvenile Police Unit-ten thu an zawt fiah a. Kut thlaktu nia puh leh a tuartu nia sawite hi kumtlinglo an nih avangin Juvenile Justice Board (JJB) kutah hlan an nih tur thu thudawnnain a sawi.
Thudawnnain a sawi danin, Mission Vatsalya hnuaia District Child Protection Unit (DCPU) pawhin he thil thleng nia sawi hi an hriat thu leh a theih ang anga buaipui nghal a ni a. Hemi chungchang hi police-a report a nih angin hmalak a nih mek thu leh dan anga hmalak zui mek zel a ni.
He thil thleng chungchangah JJB leh Child Welfare Committee (CWC)-in a tul angin dan hrulah buaipuiin, hma an la mek a. Kumtlinglo pawi khawiha puh leh thil sual tia puh bakah hetiang tuartute chu an hming leh address bakah anmahni chhui theihna ang chi media-a puanzar danin a khap tlat a. Dan bawhchhiate chu hremna pek theih an ni.