Aizawl : MZP Hqrs Champhai-in Kahrawt Community hall, Cha- mphaia Career Guidance programme an buatsaih chu nimin khan Champhai North bialtu MLA Dr ZR Thiamsanga’n a hmanpui.
Career Guidance programme-ah hian Class IX leh Class XII zirlaite an tel a. President Sub Hqrs YMA Champhai, F. Lalrinmuana, SDC Champhai Moses Lalfaka- wm Tlau, Advocate Ralte Zodingliana leh Entrepreneur Francis Lalmalsawma Sailo te resource person an ni.
Bialtu MLA ZR Thiamsanga chuan zirlaite hmakhawngaia an tana inzirna hun tha an buatsaih avangin MZP Hqrs Champhai te fakawm a tih thu a sawi a. An hmalakna chuan zirlaite leh nu leh pa te tiphur tharin khawtlangah pawh nghawng tha tak a neih ngei a rin thu a sawi.
Zirna zinkawng a za- wh chhoh dan leh hars- atna hrang hrang a hma- chhawn dan te bialtu MLA chuan sawiin, zirlaite chu anmahni inring tawk tur leh tuang tichhaha, harsatnate hmachhawn ngam tura inpuah- chah lawk turin a chah a. Ram leh hnam veina thinlung an neih chhoh ve a tul thu pawh sawiin, an thiamna leh an theihna te khawtlang hmasawnna atana hman tum zel turin a chah bawk.