English cricketer Ben Stokes chuan ICC Cricket World Cup khelh turah England in an trophy humhim tuma an beihna kawnga tel ve turin one day cricket a khel leh dawn.
Kum 32 mi Stokes hi September a New Zealand laka match li series an khelh tura mi 15 awmna squad-ah telh a ni.
He team a tam zawk hi October leh November a India a khelh tur World Cup squad ami tur an ni anga, inbuatsaihna series ang deuhah an hmang ang.
Stokes hi England in kum 2019 a a vawikhatna atana World Cup champion an nih tuma final a man of the match a ni a. Cricket inelna chi thum a ruala khelh chu a tan a hautak avangin English all-rounder hian nikum nipui khanone-day internationals a chawlhsan.
England Test team-ah erawh captain la ni in T20 international-ah a la inkhel bawk a. Nikum November khan Australia a T20 World Cu a an champion na kawngah a che tha leh hle a. Final-ah an team chakpuitu a ni.
All-rounder hlauhawm nimahsela hliam neuh neuh nei ve tawh a nih avangin England tan hianspecialist batter a nih a rinawm.