Warner Bros’ kutchhuak zinga film hlawtling ber leh tun dinhmuna khawvel box office-a vawkpui lallen mek ‘Barbie’ chu Arabs ram thenkhatte hnung zuiin, Algeria-in a khap ve ta.
Sorkar thuchhuah tarlan danin, Barbie tihchhuah loh maan duhna chhan chu an hnam nun leh sakhuana tana tha lo zawka an ngaih vang a ni.
Heti anga sorkar hmalakna hi mi tam tak chuan an duh lo hle a, ramchhungah pawh inhnialna nasa tak thlen zuiin, artistic freedom chungchangah debate nasa tak a kal mek.
Algeria-ah hian July 19 daih tawh kan ‘Barbie’ hi tlangzarh ni mah se, Sunday ni liam ta khan Cinema hall hrang hrang atanga lakbo nghal vek a ni.
Director Greta Gerwig siam, ‘Barbie’ film-ah hian Margot Robbie a chang thiam hle a, khawvelpumah $billion 1.2 chuang an lalut der tawh.