Health department leh a thawhpui ten nimin khan Chanmari YMA hall, Aizawl-ah kum upa te tan a thlawna inentirna hun an buatsaih.
Kum upa te puala a thlawna inentirna hun ah hian mi 100 an inentir niin sorkar thuchhuah chuan a tarlang a. Managing Director, National Health Mission (NHM) Dr. Eric Zomawia chuan “Hri- sel tak leh harh vang taka dam rei” tih thu- pui hmangin district tina Health and Wellness Centre a awm thu leh heng hmunah te hian mithiam rawn theih reng an nih thu te a sawi.
Dr. Eric Zomawia chuan rilru lama harsatna nei te tan TeleMANAS helpline 14416-ah engtik lai pawha biak rawn tur an awm thu pawh a sawi a. He helpline din tirh atanga July thla thleng khan phone call hmanga tanpuina diltu mi 2853 an tlin tawh thu a sawi.
Rilru leh a kaihhnawih lama harsatna tawk te pawh tanpuina zawn kawngah an bengvar sawt hle nia a hriat thu Dr. Eric Zomawia chuan a sawi a. Hetiang lam harsat- na nei ten inzep mai lova mithiamte biakrawn nachang an hriat a pawimawh thu uar takin a sawi bawk.
ARDSI-Mizoram Chapter President Va- nneihtluanga pawhin kum upate tana mahni induat thiam pawim- awh ziate leh inpawm thiam a pawimawh zia te a sawi a. Kum upatnain a ken tel harsatna chi hrang hrang tawk te tan ARDSI, Mizoram Chapter helpline-ah tanpuina dil theih reng a nih thu a sawi bawk a ni.