Serie A club Inter Milan chuan Bologna atangin Austria striker Marko Arnautovic chu loan in an lalt.
Austria international hi an hnena a khelh dan a zirin season tawpah a nghetin an lei thei dawn.
Kum 34 mi Arnautovic hian kum 2021 khan Bologna hi zawmin an tan match 58 atangin goal 25 a khung a. Kum 2009-10 season khan loan thovin Inter Milan tan hian a lo khel tawh.
Tun nipuiah Nerazzurri hian striker Edin Dzeko an chhuahtir bakah Belgian Romelu Lukaku chu a nghetin an lalut thei lova. Hei vang hian tlarhma siamthat tumin nasa takin hma an la.
French striker Marcus Thuram chu free transfer in an lalut tawh bawk.
Arnautovic hian Premier League bakah Bundesliga leh Eredivisie ah te khel tawh bawkin ram tan match 108 atangin goal 34 a khung tawh.