Kum 2000 a Meitei hel pawl People’s Liberation Army hnuaia Revolutionary People’s Front (RPF)-in state huam chhunga Hindi film tih-chhuah an khap bur hnu-a mipui vantlang en theih tura buatsaih lehna hmasak ber tunhnai khan Lamka mipuite’n a takin an tawng.
Kum 20 chuang a liam zet hnu-ah Hindi Cinema chuan Manipur-ah ‘comback’ duhawm a nei leh ta. Hmar Students Association (HSA) huaihawtin Lamka-ah ‘The Surgical Strike’ film tihchhuah a ni.
Open-air theatre-a film kahchhuah hi kum 2000 a Meitei hel pawl Revolutionary People’s Front (RPF)-in state huam chhunga Hindi film tihchhuah an khap bur hnu-a mipui vantlang en theih tura buatsaih lehna hmasak ber tunhnai khan Lamka mipuite’n a takin an tawng ta.
Big screen kaltlangin Uri: The Surgical Strike hi tihchhuah a ni a, HSA hian Meite pawl thenkhatte’n anti-national policy an kalpui dodalna leh cinema kaltlanga an duh lohzia pholan nan heti ang hian huaisen takin an kalpui.
Indigenous Tribal Leaders’ Forum thupuangtu Ginza Vualzong chuan, “Kum 20 liam zet hnu-a kan khuaa movie kan kahchhuah hmasak ber a ni. Meitei hovin hun rei tak chhung Hindi movie reng reng chhuah an khap bur thin. Vawiinah chuan anti-national policy dodal nan a takin kan chechhuak ta a, India kan hmangaihzia tarlanna langsar a ni bawk,” a ti.
HSA tarlan danin, Manipur-a Hindi film tihchhuah hnuhnun ber chu ‘Kuch Kuch Hota Hai’ (1998) kha a ni.