Italy a champion Napoli in goal chhuah hma viau mahse hnehna changin season thar bul an tan a, Frosinone lakah 3-1 in an chak.
Stadio Benito Stirpe-ah kaithar Frosinone in minute nga pawh an khelh tlin hma in penalty an hmu a, Jaime Baez hlawhchhuah chu Abdou Harroui chuan goal-ah a khung.
Champion puitu Luciano Spalletti thlaktu Rudi Garcia pawlte hian minute 24-naah an chhanglet a. Matteo Politano chuan an si phurh a sut.
Giacomo Raspadori chuan halftime hma in goal mawi khung mahse offside avanga pawm a ni lova. Mahse a hnu lawkah striker Victor Osimhen chuan goal a khung a. Second half-ah a goal hnihna a khung ve leh bawk.
Inkhel dangah Inter Milan in Monza hnehin bul an tan ve bawk a. Argentine striker Lautaro Martínez chuan goal hnih khungin 2-0 in an chak.
Season liamta a che tha Fiorentina pawhin 4-1 in Genoa an hneh bawk a ni.