Mizoram Assembly fur thutkhawm chu naktukah tan a ni dawn a, ngaihtuah turin sorkar atangin dan siam tur paruk a lut tawh a, official resolution pakhat a lut tawh bawk.
Assembly Secretariat atanga thudawn danin tun tum assembly inkhawm lo awm turah hian dan dinglai siam thatna tur rawtna (amendment bill) pali leh dan thar siam tura rawtna bill pahnih a lut tawh a. Sorkar lam atang bawkin official resolution pakhat a lut tawh bawk.
Tun tum assembly inkhawm hi ni hnih, Thawhlehni leh Nilainia thu turin Speaker Lalrinliana Sailo hova Business Advisory Committee (BAC) thukhawm chuan a rel a. Hei hi a chhan pakhatah chuan sorkar atanga assembly a tih tur a luh tlem vang a ni a. Chutih rualin tun tum hi assembly inkhawm hnuhnung ber atanga chhiara dan anga thla ruk a pelh loh nana koh mai a nih vang a ni bawk.
Assembly inkhawm hi assembly thar siam tura inthlan awm hmaa a hnuhnung ber ni tura ngaih a ni a. Political party hrang hrang leh MLA-te an inbuatsaih nasa hle tura ngaih a ni.