Sonia Gandhi chuan kum 2024 Lok Sabha inthlanpui atan eptu party-te chu tum leh ruahmanna felfai (systematic) tak nei tura chahin tihluihna piah lamah inpumkhatna tha nena tangho turin a ti a, “A bak duhthlan tur kan nei chuang lo,” a ti bawk.
Nimina eptu party hrang hrang 19-te intawh khawmnaah Congress chief chuan, “Tihluih theihna kan nei vek a; mahse, chiang tak chu kan ramin a duh zawng chung lama kan awm hun a ni,” tiin a sawi.
Kum 2024 inthlanpui chu ‘tum lian ber’ a nih thu Congress president hian a sawi a, “Hei hi chona a ni a; mahse, kan inpumkhat chuan kan thleng thei ang, a chhan chu rual taka kan tan chuan thawhhona tha tak nen kan thleng thei dawn a ni,” a ti.
Gandhi-i chuan eptu party-te chuan tum pakhat neiin ram chu sorkar siamsak ngei turin a chah bawk.