An forward Kylian Mbappe chuan chhuah a duh avangin club in training-ah an telh lo reng a, nimahsela inbiakremna nei a squad a a tel leh hnuah a vawikhatna atan inkhelin goal khung nghal mahse an chak zo lo.
Inrinni zanah Stadium Municipal-ah Mbappe hi second half-ah luhtir a ni a, a luh hnu lawkah penaltyy atangin goal khung nghal mahse France captain goal hi chak nan a tawk lo. An khingpui Toulouse in Morocco forward Zakaria Aboukhlal penalty pet goal ve tho hmangin an si phurh an sut a, 1-1 in an inhnehtawk.
PSG manager Luis Enrique chuan, “A tir minute 60 chhung kan inkhel a tha, goal kan khung hnu khan inkhel kan thunun tha tawk lo. Ball kan chang tam tur a ni a, lehlamin chance an insiam theihna tur kan siamsak tur a ni lo.” a ti.