Tottenham Hotspur in manager thar Ange Postecoglou hnuaiah a vawikhatna atan an mualah inkhel an hmachhawn a. Manchester United lakah hnehna changin 2-0 a chakin bul an tan.
Season tan dawnah Spurs in striker Harry Kane an chan a, manager thar an nei bawk. Inkhelh tan hma in fans ten ticket manto vangin chairman Daniel Levy leh club neitu ENICS duh lohna an lantir. An manager thar erawh an lawm viau a, inkhel a zawhin khelmuala an result bakah an football hmuhah an lawm.
Tottenham Hotspur Stadium-ah first half-ah goal hlauhawm a awm nual a, mahse a langsar zawk chu Manchester United an ni. Lehlamah Spurs pawhin goal ban vawi hnih an tihper a, an attacking football khelh in awmzia a nei.
Second half tan hnu lawkah goal an khung nghal, Pape Matar Sarr chuan minute 49-naah goal an khung a, chawlhlawk zawhah Spurs hi chiang taka kheltha zawk an ni a. Minute 83-naah Lisandro Martinez chuan Ivan Perisic ball cross an lamah a ti lut palh bawk.
Spurs an chak a, coach thar hnuaiah beisei an nei sang. Hetihlai hian United in chance an neihte thlirin a hnung lam a la phui tawk lo tih a lang chiang.
Postecoglou chuan, “Kan result-ah ka lawm. Beiseina sang tak siam tur ka hmu nual a, hei hian min ti phur hle.” tiin inkhel a thlirlet.
Inrinni zan inkhel hnuhnungah Manchester City in team tha Newcastle United 1-0 in an hneh a. Etihad Stadium-ah Julian Alvarez chuan inkhel a goal awmchhun a khung.