ZPM in Inrinni khan Aizawl khawpui chhung veng hrang hrangah Street Campaign an nei.
Street campaign hi Chanmari kawn, Dawrpui MC kawt, ITI veng leh Maibawk-ah te an nei a ni.
ITI veng leh Maubawka thusawitu Dr Vanlalthlana, MLA, chuan tuna sorkarna chelhtute’n thalai, mahni kea din tumte khaichhuah a tum danah hian sawi ngaihna pawh awm lo khawpa bangbo an nih thu sawiin, “Policy chu nei ve bawk mah se, a taka tihhlawhtlin hi a pawimawh lai chu a ni,” a ti.
ZPM an sorkar phawt chuan entrepreneurship lama a ngaihna hria leh helama thiam an awm a, thalai mahni kea dinchhuah tumte tan thapui an thawh dawn niin Dr Vanlalthlana hian a sawi a. India rama inkalpawhna kawng leh zirna lam pawh nei chhe ber, kawlphetha-a intodelh thei lo bawk chu pawi a tih thu a sawi a. Ram hnuk leh hnamsawnna tak tak sorkarna siam tawhte hian eng hi nge an tihhlawhtlin tih hi inzawt se a duh tih a sawiin, “Mipuite nat ruala na ve thin ram hruaitu kan neih hunah hmasawnna leh danglamna kan hmu ang,” a ti bawk.
Aizawl West II ZPM candidate Lalnghinglova Hmar leh Aizawl East-II ZPM Candidate B Lalchhanzova te pawhin street campaign-ah hian thu an sawi a ni.