MotoGP world champion lai Francesco Bagnaia chuan Austrian Grand Prix-ah hnehna a chang a. Tun season intlansiak 10 atangin vawi nga a chak tawh.
Kum 26 mi Ducati bike khalhtu Bagnaia hi Inrinni a sprint race-ah a chak ber tawh a. Pathianni tlaia Red Bull Ring tlankawnga intlansiakah a chungnung fal a. World championship-ah point 62 in a sang fal tawh.
KTM bike khalhtu South African rider Brad Binder chu pahnihna niin Italian rider Marco Bezzecchi chu pathumna a ni a. World championship a Bagnaia um bertu Jorge Martin chu pasarihna niin an inkar a zauh belh.
“Kha aia tlanchak theih zawk kha tunkarah ka inbeisei a ni a, mahse kan boruak leh khaw awmdan avangin tlankawngah a tlan chak viau theih loh a, tu tan pawh a harsa em em vek.”
“Tlan fimkhur a ngai viau chungin engmah tihsual kan nei lova, kan dinhmun tha kan hmang tangkai thei hi a lawmawm.” Bagnaia chuan a ti.
Austrian Grand Prix:
1 Francesco Bagnaia Ducati
2 Brad Binder KTM
3 Marco Bezzecchi Ducati
4 Luca Marini Ducati
5 Alex Marquez Ducati
6 Maverick Viñales Aprilia
7 Jorge Martin Ducati
8 Fabio Quartararo Yamaha
9 Aleix Espargaro Aprilia
10 Enea Bastianini Ducati
11 Franco Morbidelli Yamaha
12 Marc Marquez Honda
13 Johann Zarco Ducati
14 Augusto Fernandez Tech3
15 Jack Miller KTM