Aizawl : Lawngtlai district-a National Highway kawngpui zauh hna thawh mek leh Kaladan Multi Modal Transit Transport Project (KMMTTP) kawng laihnaa zangnadawm- na ngiata Lawngtlai District Land Owners’ Association ten sorkar an nawr mek chung- changah nimin khan Lawngtlai Bawrhsap H. Lalhmingthanga hovin National High- way-54 zauh hna thawktute, Lawngtlai District Land Owners’ Association hruaitute, Central Young Lai Association hruaitute leh sorkar official-te an thukhawm.
Lawngtlai Bawrhsap chu- an kawngpui pahnih chu District mipuite inkalpawhna leh ei leh bar thiar velna kawng pawimawh tak ve ve a nih av- angin tha taka siam leh enk- awl a tul thu a sawi a. Ram tana thil tha duh avanga ka- wng tha neih duha hmalakna chu lawmawm a tih thu sawi- in, District mipuite tawrhna thlen thei zawnga hmalakna erawh awm lo hram se tha a tih thu a sawi.
He thutkhawmah hian National Highway-54 kawngpui siam that hnathawh meka Lawngtlai leh Kawlchaw ‘W’ inkara hnathawh chhe lutuk nia an hriat avanga Central YLA-in August 8, 2023 atanga Lawngtlaia NHIDCL leh ICT Office an kharsak chu August 18, 2023-a Central YLA hruaitute leh hnathawktu company hotu ten hna tha lo lai a hm- una enhova, tha zawka thlak tura an inbiak rem hnuah hawn a nih leh tawh thu sawi a ni a. Hemi chungchangah hian hna tha zawk a awm theih nan official-te leh tlawmngai pawl te chuan mahni zawnah hmalak theuh ni se, tih a ni.
Kum 2010 atanga hnath- awh tan KMMTTP kawngpui, Lawngtlai atanga Zocha chh- uah inkara sialin an ram a tihchhiatsak te intelkhawm, Lawngtlai District Land Owners’ Association hruaitute ch- uan kum 14 zet zangnadawm- na phuta hma an lo lak tawh thu te, a kaw tawpah an tan tawh thu leh August 1, 2023 atanga Deputy Conservator of Forests (Wildlife), Chhimtuipui Wildlife Division, Lawngtlai Office-a thawktute chu office kai thei lova an dan thu leh KMMTTP kawngpuia hna thawktu company-te pawh an chhet chhuah an remtih loh thu an sawi.
Lawngtlai Bawrhsap H. Lalhmingthanga chuan ram neitu intelkhawmte hmalakna chuan District chhim lam leh khawthlang lam mipuite tan inkal- pawhna leh ei leh bar mamawh thiar velnaah harsatna a thlen theih avangin hnathawktute chet chhuah an remtih loh chu titawp turin ram neitute chu a ngen a. Land Owners’ Association hruaitute chuan Bawrhsap ngenna chu zahawm an tih thu leh General Body Meeting kova an lo sawiho tur thu an sawi a ni.