AZL: Aizawl South III bialtu MLA Dr F Lalnunmawia’n Melriat playground laihna tur lungphum a phum.
Melriat ram Kaihlet-a khelmual laihna tur lungphum phumna inkhawmah bialtu MLA Dr F Lalnunmawia chuan, Melriat khawtlangin khelmual an mamawh em em an neih theihna tur atana ram inthleng remti tu Minister R Lalzirliana chungah lawmthu a sawi a. Infiamna hi ruihhlo laka thalaite invenna kawng a nih theih dan te, infiamna lama nasa zawka thalaite tiphurtu a nih zel a beisei thu leh, Melriat khelmual chu nakinah phullem phaha khelmual puitling a nih theih nana hmalak a nih tur thu a sawi bawk.