Aizawl: Mizoram Legislative Assembly pariatna thutkhawm vawi 12-na, ni hnih awh tur chu vawiin atangin neih tan a ni dawn.
Assembly Secretariat atanga thudawn danin, thutkhawm hi chawhma dar 10:30-ah tan a ni ang a, zawhna leh chhanna hun hman chhunzawm nghal a ni anga, Law minister TJ Lalnuntluanga’n The Forest (Conservation) AmendmentAct, 2023 duh lohna official resolution a pu lut anga, house dawh kanah papaer pharhna hun hman a ni ang.
Thutkhawm neih tur atan hian nimin tlai thleng khan house-a chhan chi zawhna 237 leh ziaka chhan chi 119 a lut tawh a. Dan dinglai siam thatna tur rawtna (amendment bill) pali leh dan thar siam tura rawtna bill pahnih a lut tawh a. Sorkar lam atang bawkin official resolution pakhat a lut tawh bawk.
Tun tum assembly inkhawm hi naktukah tranin, nilaini thleng neih tur a ni a, assembly thar siam tura inthlanna lo awm hma atan a hnuhnung ber ni tura ngaih a ni a. Political party hrang hrangte leh MLA-te an inbuatsaih nasa hle tura ngaih a ni.