United States-a Louisiana state-ah, silai zawrhna hmuna nimina inkahna thlengah mi pathum an thi a, mi pahnih kah hliam an ni bawk.
Tual chhunga sheriff chuan silai hmet puaktu hian dawr chhunga awm ve mi pahnih a kap a, lo awm ve dangte pawhin an silai an hmet puak zui ve niin a sawi.
Mi pahnih bakah silai hmet puak hmasa bertu hi an thi a. Tute nge an nih tih erawh an puang lo.
New Orleans dai, Jefferson Gun Outlet-a inkahna thleng hi thuneituten an chhui zui mek.
Jefferson Parish Sheriff Joseph Lopinto chuan, “Mi eng emaw zatin silai hmet puak tantu hi an bitum ve nghal niin a lang,” tiin thuthar lakhawmtute hnenah a sawi.
“Ka hriat dan chuan silai hmet puaktu eng emaw zat awmin, dawrtute leh a nghaktte pawh an tel niin ka ngai a ni,” a ti a. An buaipui zui mek a, thil a lang chiang thuai dawn niin a sawi bawk.
Hliam tuar mi pahnih hi an dinhmun a ngaihtuahawm loh va, damdawi inah enkawl mek an nih thu sheriff pisa chuan a puang.