Season hmasaah season tha an hmang a, tun tumah Union Berlin in tha taka bul tan lehin Mainz lakah 4-1 in an chak.
Stadion An der Alten Försterei-ah Union hian an mikhualte laka goal khung turin second 52 bak an mamawh lo. Jerome Roussillon cross chu Kevin Behrens chuan tauh lutin Bundesliga a Union Berlin goal rang ber a khung.
Tun season a UEFA Champions League khel tur Berlin khaw club tan kum 32 mi Behrens chuan vengtu nei lova penalty area chhunga ball a dawn chu minute 9-naah goal ah a khung leh.
Mainz hi second half-ah insiamtha in minute 63-na leh huntawp dawn tawhah penalty an hmu a, striker Ludovic Ajorque pet chu Union goalkeeper Frederik Ronnow chuan a save sak ve ve.
Anthony Caci hmangin goal khat erawh Mainz in an khung a, mahse Behrens-a’n hattrick a siam zui bakah Milos Pantovic chuan Union goal li na a khung bawk.
Union coach Urs Fischer chuan, “Minute 90 thlir chuan chak kan phu a, mahse Mainz tan khan beiseina kan siam leh thin. Kan inkhel atang kha chuan hei aia result inthlau lo zawk tur kan ni.” a ti.
Inkhel dangah Eintracht Frankfurt tan chhuak tura ngaih striker Randal Kolo Muani chuan goal khungin 1-0 in Darmstadt an hneh.