A lo thleng leh ta! ‘Cross-border love’ an tih mai, tuipui ral ram hla tak atanga India rama pasal nei tura South Korean nula rawn zin vang vang hian ngaihven a hlawh.
Hmangaihna lo pian chhuah dan erawh heti ang hian a ni..
South Korea-ah bul tanin, Sukhjit Singh (28), Udna, Uttar Pradesh mi chu South Korea-ah hna thawk tura kalin, a thawhna coffee dawra billing counter-a thawk ve tho Kim Boh Ni (30) nen inngaizawngin, kum 4 teh meuh an inzui hnu-ah nimi khan Gurudwara Nanak Bagh, Puwayan, Uttar Pradesh-ah ‘Tiam Tlat E’ an ti ta a ni.
Singh tan Korean nula ngaihzawn chu tawng lam harsatna vangin a harsa angreng hle a, hei vang hian thla eng emaw zat Korean tawng zirin a hmangaih tan hian a hun tam zawk tawng zir nan a hlan.
“Thla li chhung ngawrh taka Korean tawng ka zir hnu-ah Kim nena kan inkara inbiakpawhna harsa tak awm thin chu vaikianin a awm deuh mai a, kum 4 kan inzui hnu-ah chhungte ve ve remtihna in nupaa insiam turin thutlukna duhawm tak kan nei ta a ni,” tiin Singh hian a sawi.
A nupui Kim Boh Ni hian kum 5 chhung India-a chen theihina Visa a neih vangin Udna-ah hian hun eng emaw chen a pasal te bulah a khawsa dawn a, tichuan South Korea-ah a haw leh ang.
Remchan dan a zirin India a lo tlawh thin dawn a, ruahmanna fel fai leh tha tak an siam hnu ah South Korea-ah inbenbel ngheh an tum dawn a ni.