Chelsea midfielder Carney Chukwuemeka chu a khup hliam tunkarah zai a ni a, kar ruk vel a chawl dawn.
Kum 19 mi Chukwuemeka hi Pathianni zana West Ham United nen an inkhelh tumin a inhliam a. Club tana a goal hmasa ber a khung hnuah hliam avangin lakchhuah a ngai.
Nikum nipui a Aston Villa atanga Pound maktaduai 20 a an laklawh midfielder hian Premier League-ah Chelsea in match hnih an hmachhawn tawhah bul a la tan ve ve.
“Chelsea tana ka goal hmasa ber leh ka inhliam a inrual a, a lawmawm dan a kim lo viau a, kan chak phah lo bawk. Tuna ka hliam hi min daltu tenau chauh a ni ang, ka lo kir leh thuai ang.” tiin social media kaltlangin a sawi.
Hetihlai hian Chelsea defender Lewis Hall chu Newcastle United in an lalut fel a, loan a hawh phawtin nakkum nipuiah a nghetin an lei ang.
England Under-21 international hi Magpies hian Pound maktaduai 28 in a nghetin an lei anga, Pound maktaduai 7 an pek belh thei ang.
Season liamta khan Chelsea Academy Player of the Year a thlan niin first team tan vawi 11 a inkhel.